airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Ilaqutariinnut paarsisartunut siunnersortinut tapiissutit

Angajoqqaarsianut suliassaqarfimmi pitsanngorsaanissamut tapiissutinik qinnuteqarit 

Angajoqqaarsianut suliassaqarfimmi pitsanngorsaanissamut tapiiffigineqarnissaq qinnutigineqarsinnaavoq. 

Tapiissutit pingaartumik suliniutinut, iliuusissanut pilersaarutit, akuersissuteqartarnerit nakkutilliinerlu ukkataralugit suliassanik suliarinninnerup pitsanngorsarnissaanut sammitinneqartunut, tunniunneqartarput. 

Angajoqqaarsiaasartunut siunnersortinut, angajoqqaarsianut suliassaqarfimmi suliassanik suliarinninnerup pitsaanerulernissaata qulakkeernissaanut sammisunik suliaqartunut, ingerlatsinermut aningaasartuutit annerpaamik 50 procentiinut matussusiinissaq, kommunit qinnutigisinnaavaat. 

Taakku saniatigut angajoqqaarsiaqartitsisarneq pitsanngorsaaviginiarlugu quppersagaliornernut, atuakkiornernut il.il. kiisalu isumasioqatigiissitsinernut aningaasat atorneqarsinnaapput.

QINNUTEQAATIT
Ukiut tamaasa 15. januar qinnuteqarnissamut killigitinneqarpoq.
Qinnuteqaatit piffissamut killiliussap kingorna tiguneqartut suliarineqassanngimmata eqqumaffigissavat.

Uani qinnuteqarit.

OBS: Ilanngussassat makkua piareersimatikkit. Qinnuteqaatinnut ilannguttussaavatit.

Suliniummut tapiissutinik qinnuteqaruit:

  • Suliniummut missingersuutit
    - Skabeloni-mik amingaateqaruit missingersuusiornissamut atugassaq uani aaneqarsinnaavoq: Skabeloni aajuk
  • Avataaneersunik atuartitsisoqassagaanni imaluunniit pikkorissaavissamik avataaniittumik atuissagaanni akigititanut imarisaannullu neqeroorutip piniarneqartup assilinera ilanngunneqassaaq
  • Sammisassamut pisussanut pilersaarut

Ingerlatsinermut tapiissutinik qinnuteqaruit:

  • Ukiumut qinnuteqarfigineqartumut ingerlatsinermut missingersuutit
    - Nammineq akiliutissat imaluunniit allaniit tapersiissutit missingersuutini allassimassapput.
  • Ukiumoortumik naatsorsuutit akuerisaasut kingulliit ilanngunneqassapput. Ukiumoortumik naatsorsuutit pineqarpata, taakkua kukkunersiuisumit nalunaarsorsimasumit imaluunniit naalagaaffimmit akuersissummik allagartaqartumit kukkunersiorneqarsimassapput, aammalu kukkunersiuisup atsiornera uparuaanertaqassanngilaq
  • Angajoqqaarsiaasartunut siunnersortinut aningaasarsianut aningaasartuutinut uppernarsaat
  • Atorfiup aningaasarsianut aningaasartuuteqarfiusartup suliassaqarfimmi kommunimi suliassanik suliarinninnerup pitsaanerulersinnissaanut qanoq iluaqutaanissaanut nassuiaat

NALUNAARUSIORNEQ AAMMA NAATSORSUUTIT
Tapiissutit tiguneranni, sammisassap ingerlanneqareernerani tassunga naatsorsuutinik aammalu nalunaarusiamik nassiussinissaq pisussaaffiulertarpoq.

Nalunaarusiat nassiuguk uunga tapi@nanoq.gl







G-LHFDRCYS34