airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Nammineq piumassuseq malillugu nuna tamakkerlugu suliniaqatigiiffiit

Nammineq piumassuseq malillugu nuna tamakkerlugu suliniaqatigiiffinnut tapiissutinik qinnuteqarit  

Isumaginninnermut tunngasut iluanni nuna tamakkerlugu kattuffinnut kajumissutsiminnik sulisunut tapiissuteqartoqarsinnaavoq. Isumaginninnermut tunngasuni kattuffiit pilersinneqarnerminni tunngavigisaanni ingerlatsinermut aningaasartuutinut, kiisalu paasititsiniaanernut siunnersuinernullu tapiissuteqartoqarsinnaavoq.

Ingerlatsinermut aningaasartuutit pineqarpata, tapiissutit annerpaamik ingerlatsinermut aningaasartuutissatut missingersuusiarineqartut 50 procentiinik annertussuseqarsinnaapput.

MAKKUNUNNGA TAPIISSUTINIK QINNUTEQARSINNAANNGILATIT:

- Nammineq piumassuseq malillugu nuna tamakkerlugu suliniaqatigiiffimmi siulersuisunut ilaasortat imaluunniit ilaasortat allat akissarsiassaat assigisaalluunniit.

QINNUTEQAATIT
Ukiut tamaasa 15. januar qinnuteqarnissamut killigitinneqarpoq.
Qinnuteqaatit piffissamut killiliussap kingorna tiguneqartut suliarineqassanngimmata eqqumaffigissavat.

Uani qinnuteqarit.

OBS: Ilanngussassat makkua piareersimatikkit. Qinnuteqaatinnut ilannguttussaavatit.

Suliniummut tapiissutinik qinnuteqaruit:

  • Suliniummut missingersuutit
    - Skabeloni-mik amingaateqaruit missingersuusiornissamut atugassaq uani aaneqarsinnaavoq: Skabeloni aajuk
  • Avataaneersunik atuartitsisoqassagaanni imaluunniit pikkorissaavissamik avataaniittumik atuissagaanni akigititanut imarisaannullu neqeroorutip piniarneqartup assilinera ilanngunneqassaaq.
  • Sammisassamut pisussanut pilersaarut

Ingerlatsinermut tapiissutinik qinnuteqaruit:

  • Ukiumut qinnuteqarfigineqartumut ingerlatsinermut missingersuutit
    - Nammineq akiliutissat imaluunniit allaniit tapersiissutit missingersuutini allassimassapput.
  • Ukiumoortumik naatsorsuutit akuerisaasut kingulliit ilanngunneqassapput. Ukiumoortumik naatsorsuutit pineqarpata, taakkua kukkunersiuisumit nalunaarsorsimasumit imaluunniit naalagaaffimmit akuersissummik allagartaqartumit kukkunersiorneqarsimassapput, aammalu kukkunersiuisup atsiornera uparuaanertaqassanngilaq.

NALUNAARUSIORNEQ AAMMA NAATSORSUUTIT
Tapiissutit tiguneranni, sammisassap ingerlanneqareernerani tassunga naatsorsuutinik aammalu nalunaarusiamik nassiussinissaq pisussaaffiulertarpoq.

Nalunaarusiat uunga tapi@nanoq.gl nassiuguk aammalu allassavat ”nalunaarusiorneq”.

G-LHFDRCYS34