airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Atornerluinermik pinaveersaartitsineq

Kinguaassiuutitigut atornerluinernik pinaveersaartitsineq sammisassanik ingerlataqarnissamut tapiissutinik qinnuteqarit  

Sammisassanut kinguaassiutitigut atornerluinernik pinaveersaartitsinernut tapiissuteqartoqarsinnaavoq. Assersuutigalugu tassaasinnaapput suliniuteqarnerit innarligaasunut innarliisunullu najukkami katsorsaanissamut neqerooruteqalernissaanut periarfissiisussat. Aamma tassaasinnaapput suliniuteqarnerit meeqqat kajumissuseqarnerup kajumissuseqannginnerullu, iliuuseqarnerup iliuuseqannginnerullu, nammineq kajumissutsip pinngitsaalisaanerullu, takorluuinerup pissusiviusullu, isumassuinerup innarliinerullu paasisimalernissaannut immikkoortissinnaalernissaannullu ilinniartillugit tapersersuiffiusussat aammalu meeqqat namminneq allallu killissaannik malussarsinnaanerulernissaannut iluaqutaasussat.

Sammisassanut assersuutit tassaasinnaapput meeqqanik ilaqutariinnillu aallaartitsinerit, tassani qulequttat ajornakusoortut piffissap ingerlanerani qaqinneqartarlutik.

QINNUTEQAATIT
Ukiut tamaasa 15. januar qinnuteqarnissamut killigitinneqarpoq.
Qinnuteqaatit piffissamut killiliussap kingorna tiguneqartut suliarineqassanngimmata eqqumaffigissavat.

Uani qinnuteqarit.

OBS: Ilanngussassat makkua piareersimatikkit. Qinnuteqaatinnut ilannguttussaavatit.

  • Suliniummut missingersuutit
    - Skabeloni-mik amingaateqaruit missingersuusiornissamut atugassaq uani aaneqarsinnaavoq: Skabeloni aajuk. 
  • Avataaneersunik atuartitsisoqassagaanni imaluunniit pikkorissaavissamik avataaniittumik atuissagaanni akigititanut imarisaannullu neqeroorutip piniarneqartup assilinera ilanngunneqassaaq.
  • Sammisassamut pisussanut pilersaarut

NALUNAARUSIORNEQ AAMMA NAATSORSUUTIT
Tapiissutit tiguneranni, sammisassap ingerlanneqareernerani tassunga naatsorsuutinik aammalu nalunaarusiamik nassiussinissaq pisussaaffiulertarpoq.

Nalunaarusiat nassiuguk uunga tapi@nanoq.gl


G-LHFDRCYS34