airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Inunnut persuttagaasimasunut neqeroorut

Illernit: Nuna tamakkerlugu qimarnguiullunilu katsorsaavik 

Illernit tassaavoq Nuna tamakkerlugu qimarnguiullunilu katsorsaavik, tassungalu sammitinneqartut tassaapput arnat meerallit tarnikkut timikkullu ajortumik pineqarsimasut. Pingaarnertut neqeroorfigineqartut tassaapput arnat persuttagaasimasut, neqeroorfissanut atuuttunut periarfissaqartinneqarsimanngitsunut imaluunniit neqeroorutinit iluaquserneqarsinnaasimanngitsunut.

Illernini najugaqarnermi arnaq ilaqutariinnut katsorsaasartumik oqaloqateqartassaaq, kiisalu assersuusiullugit perorsaanermut, aporaannernut kiisalu meeqqat atugarissaarnerannut ineriartornerannullu tunngasunik perorsaanikkut siunnersorneqartassaaq ilitsersorneqarlunilu. Ilaatigullu aningaasaqarnermut, angajoqqaatut oqartussaasutut, ineqarnermut, ilinniartitaanermut allanullu tunngasunik arnaq aamma siunnersorneqarlunilu ilitsersorneqartassaaq.

Illernini meeqqat najukkami meeqqerivimmiittassapput atuarfimmiitinneqarlutillu. Illernini meeqqat meeqqanik allanik oqaloqateqartarnernut peqataasarput.

Innersuussisarneq  

Arnap kommune najugaqarfia aqqutigalugu, Illernit najugaqarfissatut arnaq meerartaasinnaasullu innersuunneqartassapput.

Isumaginninnermut ingerlatsiviup arnaq meerartaasinnaasullu Illernit najugaqarfiginissaanut innersuussinnaavai. Arnap Illernini najugaqarnissaanut piukkunnartuunersoq nalileereernermi innersuussisoqassaaq. Arnap meerallip nakuusernermik nalaataqarsimasup innersuunneqarnerani Nuna tamakkerlugu qimarnguiullunilu katsorsaavimmi aqutsisuusoq attavigineqassaaq.

Assersuutigalugu katsorsaaviit aamma meeqqanut ilaqutariinnullu sullissivinni sulisuusut, arnaq kommunimut saaffiginneqqusinnaavaat, kommunelu kingornatigut Illerninut innersuussussisinnaavoq.

Inissamik innersuussisarneq 

Arnaq meerartaasinnaasullu Illernini isumaginninnermut siunnersorti aqqutigalugu, Illernini inissamik innersuunneqarsinnaapput. Illernit ilaqutariinnut inissamik innersuussissapput, ilaqutariinni atukkat pillugit ataasiakkaarilluni nalilersuineq tunngavigalugu. Kommunip najugaqarfiusup ilaqutariinnut iliuusissanut pilersaarut Illerninut nassiutissavaa, taamaalillutik ilaqutariit qanoq nalaataqarsimanerannik, kiisalu Illerninut inissinneqarnissamut ilaqutariit sunik allanik tunngaveqarnerinik sulisut paasisaqarsinnaaniassammata.