airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Inuit innarluutillit sapaatip akunnerani 41-imi

2020-mi Inuit innarluutillit sapaatip akunneranni 41-mi sammineqartut tassaapput: Ersinngitsumik innarluutillit 

Innarluuteqaraanni ulluinnarni unammillernartotartarpoq aporfissaqartarlunilu. Aporfissat assigiinngitsorpassuusinnaapput.

Ersittumik timikkut innarluuteqaruit suut timikkut aporfigisinnaaneritit inuit allat takoriaannaasarpaat. Isaariakkut iserniaruit issiavimmiilluunniit kaassuartakkamit tigusinnaanngisannik tigusaqarniaruit ikiortinnissamut tapersersorneqarnissamullu neqeroorfiginissat ajornanngilaq.

Ersinngitsumik innarluuteqarneq

Ersinngitsumik innarluuteqaruit sooq taamaaliornersutit inuit allat ingerlaannaq takusinnaasanngilaat paasisinnaanagulu.

Sooruna unnukkorsiutisiniarsinnaanngitsutit? Sooruna taamma arriitsigisumik oqaluttartutit? Sooruna qasujaqaat? Sooruna misigisimasatit oqaluttuariniaraangakkit oqarneq ajulersartutit? Issiavik atortakkat arlaata nuussimappagu sooruna kamalertartutit? Sooruna inuppassuit akornanniinnissat ajornakusoortittarit? Allarpassuillu…

Sapaatip akunnera 41

Inuit innarluutillit sapaatip akunneranni 41-mi 2020 inuit ersinngitsumik innarluutillit taamaannerminnut tunuliaqutaasut pillugit inuiaqatigiinnit tamanit ilisimaneqassasutut apeqqutit kissaatigisaat sammineqassapput.

Inuit innarluutillit sapaatip akunneranni 41-mi 2020 meeqqat ersinngitsumik innarluutillit sammineqassapput – angajoqqaat angajoqqaajunerluttut perorsaanerluttutullu allanit isigineqakulasarnertik misigisarpaat.

Inuit innarluutillit sapaatip akunneranni 41-mi 2020 inuit ersinngitsumik innarluutillit ulluunerani paaqqinnittarfinni, atuarfinni, sunngiffimmi neqeroorutini, suliffeqarfinni allanilu akuutinnerulernissaat sammineqassaaq.

Inuit innarluutillit sapaatip akunneranni 41-mi ersinngitsumik innarluutillit ulluinnarni inuiaqatigiinnilu aporfiginngisartagaasa qaanngerniarnerat sammineqassaaq taamalilluni ulluinnarisartagaat oqinnerulerniassammat.

Kaammattuineq

Kikkut tamaasa – kommunit, timersoqatigiiffiit, peqatigiiffiit, ilinniarfiit, suliffeqarfiit, ulluunerani paaqqinnittarfiit inuttaasullu - ersinngitsumik innarluuteqarnermut pissutaasut pillugit ilisimaneqarnerulernissaat siunertarlugu aaqqissuussinernik ingerlatsinissaat kaammattuutigarput, taamaaliornikkummi aporfiit qanoq qaanngerniarnissaat iliuuseqarfigineqarsinnaavoq aamma inuit ersinngitsumik innarluutillit ulluinnarni inuaqatigiinnilu akuutinnerulernissaat pillugu ilisimasaqarnerulersinnaagatta.

Ersittumik timikkut innarluuteqarnermut sanilliullugu innarluuteqarneq annertunerujussuusoq ataatsimoorluta ilisimatitsissutigissavarput paasinninnermillu anginerusumik pilersitsilluta.

Piffissaliussaq

Qinnuteqaatit ilisarnaaserneqarsimasut 'Innarluutillit Sapaatip akunnera 41' nassiunneqassapput: iass@nanoq.gl kingusinnerpaamik: 25. september 2020
G-LHFDRCYS34