airplanebooksbriefcase business cogs cross election entertainment fish house law lockmedicalpeopleselfservices socialtax
[Log ind]

Alliaq – inunnut nakuusertartunut neqeroorut

Alliaq – inunnut nakuusertartunut neqeroorut

Alliami suliaritinneq tunngaviatigut tarnip pissussaanik ilisimasalimmik arfineq pingasoriarluni inuttut nammineerluni oqaloqateqarnermik ingerlatsiffiusarpoq. Persuttaasup persuttaasimanerminik nassueruteqarnera, persuttaasimanermik akisussaanera aamma persuttaasarnerminik unitsitsinera Alliami anguniagaavoq.

Neqeroorut persuttaasimasup tamatigut persuttaasimanermik akisussaaneranik aallaaveqarpoq. Taamaalilluni katsorsarneqartumut tunngatitaannarmik katsorsaaneq aqqutigalugu, katsorsaaneq pingaartumik persuttaasarnermik unitsitsiniarnermut sammitinneqartarpoq. Taamaattorli aaqqiagiinnginnerit aamma aaqqiagiinngeqqajaanerit ataatsimoorluni akisussaaffiusinnaapput.

Taamaattumik aapparisinnaasaq imaluunniit illuatungerisinnaasaq tarnip pissusaanik ilisimasalimmik kisimiilluni aapparisarluunniit / illuatungerisarluunniit peqatigalugu oqaloqateqarnissamut aamma Alliamit neqeroorfigineqartarpoq. Aappariit / illuatungeriit inissisimanerat aallaavigalugu katsorsartinnissamut / suliaritinnissamut suna tulluarnerpaassanersoq tarnip pissusaanik ilisimasalik naliliisarpoq.

Nammineq illoqarfigisami imalt. nunaqarfigisami katsorsartinneq / suliaritinneq

Illoqarfinni arlalinni Alliaq tarnip pissusaanik ilisimasalinnik sulisitaqartarpoq, taamaattoqarneranilu sullitaq tarnik pissusaanik ilisimasalimmit toqqaannartumik kiinnerfigineqarluni oqaloqatigisaqarnissanut periarfissaqartarpoq.

Qarasaasiamut internettikkut atassuteqartumut periarfissaqaruit Skype atorlugu tarnip pissusaanik ilisimasalimmik oqaloqateqarnissamik Alliaq neqerooruteqarpoq.

Oqarasuaammut periarfissaqaruit oqarasuaatikkut tarnip pissusaanik ilisimasalimmik oqaloqateqarnissamik Alliaq neqerooruteqarpoq.

Sullitaq aappaqaraangat nal. akunnerni marlunni oqaloqateqarnissamut aapparisaq neqeroorfigineqartarpoq.


Nalilersuinermi tunngaviit

Alliami inissamik innersuussiffigineqarsinnaanermut piumasarisat, piumasaqaatit, sinaakkutit aamma anisitaanissamut tunngavigineqarsinnaasut ataani atuarsinnaavatit.

Atuisut namminerisaminik peqataaneranik katsorsaaneq Alliami tunngaviuvoq pingaarutilik.

Nalilersuinermi tunngaviit
• Annertuumik atornerluinermik ajornartorsiutillit katsorsarneqarsinnaanngillat.
• Paasinnittaatsip annertuumik appaatigisaanik nakorsaatitortut katsorsarneqarsinnaanngillat.
• Inuit katsorsarneqarnissamik kissaateqartut, paasinnissinnaassuseqartariaqarput katsorsarneqarnermik suliniuteqarnermut peqataanissaminnut.
• Inuit katsorsartikkusuttut persuttaanikkut iliuuserisaminnut naammaginartumik nassueruteqarnermik akisussaanermillu takutitsisariaqarput.
• Inuit katsorsarneqarnissamik kissaateqartut, katsorsarneqarnerminnut peqataarusussuseqarnermik takutitsisariaqarput.
• Ilaqutariit meerartallit immikkut pingaartinneqartarnerat aallaaviuvoq.

Piumasaqaatit
Alliaq tassaavoq arnanut angutinullu neqeroorut.

Pinerluttunik isumaginnittoqarfimmit nakkutigineqartut imaluunniit inissiisarfimmi inissinneqarsimasut inuit katsorsarneqarsinnaapput. Uani paasisaqarnerugit: http://alliaq.gl/da/Nyheder/Test/01/Til-Kriminalforsorgen Pinerluttunik Isumaginnittunut.

Neqeroorummik atuisut ikinnerpaanik 15-inik ukioqassapput. Atuisut 18-it inorlugit ukiullit angajoqqaatut oqartussaasuniit akuersinermik nalunaarummik peqassapput. Uani paasisaqarnerugit: http://ny.alliaq.gl/da/Nyheder/Test/01/Til-kommuner Kommunit.

Atorunnaarsitsinermut pissutaasinnaasut
Sullitaq neqeroorummit atorunnaarsitsinermik nalunaarfigineqarsinnaavoq, sullitaq imaaliorsimappat:

• Qanigisaminnut persuttaasarnertik ingerlatiinnarpassuk
• Katsorsaasumik persuttaasimappat
• Kajumissuseqannginnermik suleqataajumannginnermillu takutitsippat.
• Sullinneqarnissamut marloriarluni takkutinngitsoorpat.
• Sullinneqarnissamut marloriarluni takkutinnginnissamut nalunaarpat.


Akigititat
Neqeroorut akeqanngilaq kinaassutsillu isertuunneqassalluni.
Qinnuteqaat

Innuttaasut nammineerlutik Alliaq oqarasuaatikkut attavigisinnaavaat, oqarasuaat normu 34 50 40. Oqarasuaat ataasinngornermi aamma sisamanngornermi piffissami 20:00 – 22:00-imi ammasarpoq.
Tassanilu Alliami oqarasuaatikkut akisussaasut piareersimasarput.

Qinnuteqarneq
Innuttaasuttaaq Alliaq attavigisinnaavaat attaveqarnissamut immersugassaq ataaniittoq atorlugu, tamatumalu kingorna Alliami oqarasuaatikkut akisussaasup innuttaasoq pituttuinngitsumik oqaloqatiginiarlugu attavigissavaa.

Kikkulluunniit Alliaq pillugu suliaqartuusut isertuussisussaatitaapput.

Atassuteqarnissamut immersugassaq

Kommuninut
Atuisut 15-17-it akornanni ukiullit pillugit kommuninut paasissutissiineq.

Katsorsarneqarnerup ingerlanerani atuisoq nammineq piumassutsiminik peqataaneranik Alliami tunngaviuvoq pingaarutilik.

Kikkulluunniit Alliaq pillugu suliaqartuusut isertuussisussaatitaapput. Akuersineq pillugu inuusuttumit taassumalu angajoqqaatut akisussaasuanit nalunaarummik kommune pissarsiniassaaq, tamannalu pillugu tarnip pissusaa pillugu ilisimasalik ataqatigiissaarisartoq paasissutissinneqassaaq.

Inuusuttunut 15-it 17-illu akornanni ukiulinnut inissamut innersuussisoqassaaq innersuussisarnermi piumasarisat atuuttut malillugit. Uani paasisaqarnerugit: http://alliaq.gl/da/Nyheder/Test/01/Visitation Inissamik innersuussinermut piumasaqaatit.

Pinerluttunik Isumaginnittunut
Inissiisarfimmi inissinneqarsimasut il.il. pillugit Pinerluttuik Isumaginnittunut ilisimatitsineq.
Katsorsarneqarnerup ingerlanerani atuisoq nammineq piumassutsiminik peqataaneranik Alliami tunngaviuvoq pingaarutilik.

Innuttaasut inissiisarfimmi inissinneqarsimasut aamma innuttaasut Pinerluttunik Isumaginnittunit nakkutigineqartut piumasaqaatit nalinginnaasut aamma nalilersuinermut innersuussinermi tunngaviit malillugit neqeroorummik atuisinnaapput. Uani paasisaqarnerugit: http://alliaq.gl/da/Nyheder/Test/01/Visitation Inissamik innersuussinermut piumasaqaatit.

Pinerluttunik Isumaginnittut neqeroorut pillugu ilisimatitsisinnaavoq, tassungali nalilersuinissamut innersuussinermik isumaginnittuunani.


Alliami tarnip pissusaa pillugu ilisimasalittut suleqataarusuppit?
Tarnip pissusaanik ilisimasaqartuuit aamma Alliap ilaatut peqataanissamut soqutiginnillutit?
Tarnip pissusaanik ilisimasalinnut attaveqarneq ingerlatiinnarniarlugu annertusarniarlugulu, Isumaginninnermut Aqutsisoqarfiup tarnip pissusaa pillugu ilisimasalinnit Kalaallit Nunaaneersunit saaffigineqarnissani soqutigiuaannarpaa.

Tarnip pissusaanik ilisimasalittut ilinniarsimasuuit, Alliarlu pillugu annertunerusumik tusagaqarusukkuit taava tarnip pissusaatigut ilinniarsimasunut ataqatigiissaarisartoq attavigisinnaavat, Preben Svoldgaard Larsen, oqarasuaat 34 50 44-kkut imaluunniit mailikkut psla@nanoq.gl atorlugu atassuteqarfigisinnaavat.

Imaarsaaneq katsorsariaatsillu pillugit Alliap Københavnimiittoq Dialog Mod Vold suleqatigaa.

Tarnip pissusaatigut sulianut attuumassuteqanngitsut saaffiginnissutit uunga ingerlanneqarsinnaapput:
Isumaginninnermut Aqutsisoqarfik
Postboks 1039
3900 Nuuk
E-mail: iass@nanoq.gl