airplanebooksbriefcase business cogs cross election entertainment fish house law lockmedicalpeopleselfservices socialtax
[Log ind]

Meeqqanut aamma inuusuttuaqqanut suliassaqarfimmi immikkut suliniutinut

Meeqqanut- inuusuttunullu suliassaqarfimmi immikkut ittumik suliniuteqarnernut Isumaginninnermut Aqutsisoqarfik tapiisinnaavoq
Ataatsimut

Periarfissaavoq tapiissutisinissamik qinnuteqarsinnaaneq Isumaginninnermut Aqutsisoqarfimmut, isumaginninnermi siunertanut atorneqartussanik. Siunertanut tulliuttunut tapiissuteqartoqarsinnaavoq:

• Ingerlatsiviit ilaqutariinnik sullissisartut, kommunini ingerlatsiviunngitsut
• Ilaqutariinnut qitiusunik ingerlatsivinni ineriartortitsinermik suliniutinut
• Ilaqutariinnut højskolertitsinernut
• Kinguaassiuutitsigut atornerluisarnermik pinaveersaartitsinermi
• Ilaqutariinnut qitiusumik ingerlatsiviit imaluunniit ingerlatsiviit assingusut

Assigiinngitsunik piumasaqaateqartoqartarpoq qinnuteqaatip sunik imaqarnissaanut atatillugu. Tamatumunnga tunngatillugu allaaserisat immikkoortut ataasiakkaat ataanniittarput.


Kina qinnuteqarsinnaava
Tapiissuteqartoqarsinnaavoq kommuninut, nammineq piumassutsimik peqatigiiffinnut /kattuffinnut aamma ingerlatsivinnut imminnut pigisunut. Kommuniniit qinnuteqaatini pingaarnerutillugit tulleriiaarinermi salliutinneqartassapput qinnuteqaatit kommunit politikkiinik, periusissiaannik imaluunniit iliuusissatut pilersaarutaannik isumaginninnermut suliassaqarfimmut tunngasunik tapersersuisut, kiisalu aamma meeqqanut inuusuttuaqqanullu suliniutinut tapersersuisut. (Tamatumunnga atatillugu annertunerusunik paasissutissarsisinnaavutit uani ’kommuninut tunngatillugu atugassarititaasut immikkut ittut’)
Suliffeqarfiit tapiiffigineqarnissamik qinnuteqarsinnaanngillat. Taamaattoq kommunit, kattuffiit nammineq piumassutsimik ingerlanneqartut aamma ingerlatsiviit imminnut pigisut tapiiffigineqarnissaminnik qinnuteqarsinnaapput, suliffeqarfinnut aningaasartuutiminnut, assersuutigalugu avataaneersunik siunnersortinik imaluunniit pikkorissaasartunik atuinerminnut.
Sunut qinnuteqarsinnavit
1. Ilaqutariinnik katsorsaanermik ingerlatsiviit, kommunip aaqqissuussaanerata iluani ingerlatsisuunngitsut
Kommunip aaqqissuussaanerata avataani inissisimasunut ingerlatsivinnut tapiissuteqartoqarsinnaavoq, ilaqutariinnik sullissinermik ingerlatsisunut, innuttaasut ilaqutariinnut qitiusumik ingerlatsivinnut attaveqarnissamut periarfissaqarfiginngisaanni.

2. Ilaqutariinnut qitiusumik ingerlatsivinni ineriartortitsinerik suliniutit
Ilaqutariinnut qitiusumik ingerlatsiviit tapiiffigineqarnissamik qinnuteqarsinnaapput makkununnga; tapersersuineq, ilitsersuisarneq imaluunniit ilaqutariinnut tunngasumik suliassaqarfimmi atuartitsisarneq. Assersuutigalugu tamakkua tassaasinnaapput ilaqutariit isumasioqatigiittarnerat pillugu pikkorissartitsisarneq, pikkorissaasarnerit meeqqat pillugit inatsimmut tunngasuni, ernummateqartarnermut kiassiut, Signs of Safety il.il.


3. Ilaqutariinnut højskolertitsisarneq
Tapiissuteqartoqarsinnaavoq ilaqutariinnut højskolertitsinernut. Siunertaasut assersuutigalugu tassaasinnaapput ilaqutariit ajornartorsiutaannik sullissinerit, meeqqanik perorsaanermik ilinniartitsinikkut, ilaqutariit aningaasaqarnerannut, oqaloqatigiittarnermut allanullu ilinniartitsisarnernut.

4. Kinguaassiuutitsigut atornerluisoqartarneranik pinaveersaartitsiniarneq
Tapiissuteqartoqarsinnaavoq ingerlatsinernut kinguaassiuutitsigut atornerluisoqartarneranik pinaveersaartitsiniartussanut. Tamakkua tassaasinnaapput suliniutinut najukkani ataasiakkaani katsorsaanernut atornerlunneqarsimasunik aamma atornerluisartunik aaqqissuussinernut tapiissutit.
Qanoq qinnuteqarsinnavit

Qinnuteqaatit tamarmik nassiunneqartassapput uunga tapi@nanoq.gl.

Tapiissuteqartoqarnissaanut qinnuteqaatit Isumaginninnermut Aqutsisoqarfimmut apuutereersimasassapput 31. marts 2019 nallertinnagu.
Qinnuteqaatit piffissaliussap qaangiutereernerani tiguneqartut suliarineqassanngillat.

Ingerlatsinermut aningaasartuutissanut qinnuteqaatit ornittakkanut, nunamut tamarmut atuuttunut kattuffinnut isumaginninnermik suliassaqarfiup iluaniittunut, aammalu qimarnguinnut ingerlatsinermut aningaasartuutissanut atugassat taamaallaat tunniunneqarsinnaapput qinnuteqaammut atatillugu makkuninnga nassiussisoqarpat:

• Ingerlatsinissanut aningaasartuutissat missingersuusiorneri
• Avataaneersunik siunnersortinik atuisoqassava imaluunniit atuartitsisoqassava, - taamaattuni isumaqatigiissut akiusunik aamma imarisaanik ersersitsisoq ilanngullugu nassiunneqassaaq.

Immikkut kommuninut, kommunini immikkoortortanut aamma kommunit ingerlatsiviinut:
Kommunimi ingerlatsivimmiit, kommunimi immikkoortortamiit aamma kommunimi suliffeqarfinniit qinnuteqaatit tamarmik immikkoortortami pisortamit – fagchef-imit / isumaginninnermut ingerlatsivimmi pisortamit atsiorneqarsimasassapput.

immersugassaq: uani aajuk

Kommuninut immikkut atugassarititaasut
Qinnuteqaatit projektinut aamma ingerlatsinernut, kommunimi periusissiamik, politikkimik, iliuusissanut pilersaarummik, piginnaasanik ineriartortitsinissamut pilersaarummik assigisaannillu tunngavillit pingaarnersiuinermi pingaarnerutinneqartassapput. Tamatumani aamma ilaapput suliniutit - projektit -ingerlatamut tapiiffigineqarnissamik qinnutigineqartumi ilaasut, suliniummi ilaasut imaluunniit tassaasut suliniut tamakkiisoq.
Immikkut atugassarititaasut aqqutissiuussissapput aningaasaliissutitut tapiissutaasartut atorneqartarnissaannut ataavartunik kivitsilluni pitsanngorsaasoqartarnissaanut suliassaqarfimmi tapiiffigineqarnissamik qinnuteqaanneqartumi.
Taamaattumik suliniutit taamaattut pingaarnersiuinermi salliutinneqartassapput, suliniutinik ataasiakkaaginnarnik imaluunniit aaqqissuussinernut pingaarnerutillugit.
Taamaattumik iluaqusiisumik qinnuteqaammi allaaserineqarsinnaapput periusissiat, politikkit, iliuusissanut pilersaarusiat imaluunniit suliniutit tapiiffigineqartussatut qinnuteqaateqartoqarnersoq.

Qinnuteqaatit minnerpaamik kommunimi fagchef-imit akuerineqarsimasassaaq.
Qularnaarneqartassaaq kommuni aaqqissuussaanertut qinnuteqartuusoq, immikkoortortaq ataaseq imaluunniit sulisoq pinnani.