airplanebooksbriefcase business cogs cross election entertainment fish house law lockmedicalpeopleselfservices socialtax
[Log ind]

Isumaginninnermi siunertalinnik suliniutinut

Inooqatigiinnermut tunngasunut siunertanut suliniuteqarnernut Isumaginninnermut Aqutsisoqarfik tapiisinnaavoq
Ataatsimut

Periarfissaavoq tapiissutisinissamik qinnuteqarsinnaaneq Isumaginninnermut Aqutsisoqarfimmut, isumaginninnermi siunertanut atorneqartussanik. Siunertanut tulliuttunut tapiissuteqartoqarsinnaavoq:

Isumaginninnermi siunertalinnik suliniutinut, tamatumanilu ilaapput:
• Isumaginninnermi perorsaanermik misileraalluni aaqqissuussinerit
• Ornittakkani ineriartortitsinermik suliniutit
• Isumaginninnermut suliassaqarfimmi paasisitsiniaanermik suliniutinut

Assigiinngitsunik piumasaqaateqartoqartarpoq qinnuteqaatip sunik imaqarnissaanut atatillugu. Tamatumunnga tunngatillugu allaaserisat immikkoortut ataasiakkaat ataanniittarput.

Kina qinnuteqarsinnaava
Tapiissuteqartoqarsinnaavoq kommuninut, nammineq piumassutsimik peqatigiiffinnut /kattuffinnut aamma ingerlatsivinnut imminnut pigisunut. Kommuniniit qinnuteqaatini pingaarnerutillugit tulleriiaarinermi salliutinneqartassapput qinnuteqaatit kommunit politikkiinik, periusissiaannik imaluunniit iliuusissatut pilersaarutaannik isumaginninnermut suliassaqarfimmut tunngasunik tapersersuisut, kiisalu aamma meeqqanut inuusuttuaqqanullu suliniutinut tapersersuisut. (Tamatumunnga atatillugu annertunerusunik paasissutissarsisinnaavutit uani ’kommuninut tunngatillugu atugassarititaasut immikkut ittut’)
Suliffeqarfiit tapiiffigineqarnissamik qinnuteqarsinnaanngillat. Taamaattoq kommunit, kattuffiit nammineq piumassutsimik ingerlanneqartut aamma ingerlatsiviit imminnut pigisut tapiiffigineqarnissaminnik qinnuteqarsinnaapput, suliffeqarfinnut aningaasartuutiminnut, assersuutigalugu avataaneersunik siunnersortinik imaluunniit pikkorissaasartunik atuinerminnut.
Sunut qinnuteqarsinnavit

Suliniutinut isumaginninnermik siunertalinnut tapiissuteqartoqarsinnaavoq
ingerlatsinernut suliassaqarfinni makkunani:

1. Isumaginninnermi perorsaanermik ingerlatsinermi misileraanermik aaqqissuussinerit
Immikkut isumaginninnermi perorsaanikkut suliniutit assersuutigalugu tassaasinnaapput anguteqatigiinnut gruppit, suliniutit annersaanermik eqqugaasimasunut suliniutilluunniit assigisaat siunertaqartut immikkut gruppinut siunnerfiusunut suliniutinik nukittorsaaniarnermik.
Tassani tulleriiaarinermi pingaartinneqartarput suliniutit kommunini neqeroorutaasunik tapersersuisut ineriartortitsisullu, imaluunniit najukkami isumaginninnikkut perorsaanermi ileqquusunik ineriartortitseqqinnerusinnaasut.

2. Ornittakkani ineriartortitsinermik suliniutit
Tapiissuteqartoqarsinnaavoq suliniutinut siunertaqartunut ornittakkanik nutaanik ineriartortitsinissamik, kiisalu ornittakkani pioreersuni suliniutinik nukittorsaanissamik.

3. Isumaginninnermut suliassaqarfiup iluani paasisitsiniaalluni suliniutit
Isumaginninnermut suliassaqarfimmi paasisitsiniaalluni suliniutinut tapiissuteqartoqartarpoq. Taakkua tassaasinnaapput paasisitsiniaaneq aamma ingerlatsineq siunnerfeqartut paasissutissiinissamik qanigisat akornanni annersaasarnermut attuumassutilinnut, pinngitsaaliisarnernut aamma timimut nammineq oqartussaanermut tunngasunut.


Qanoq qinnuteqarsinnavit

Qinnuteqaatit tamarmik nassiunneqartassapput uunga tapi@nanoq.gl.

Tapiissuteqartoqarnissaanut qinnuteqaatit Isumaginninnermut Aqutsisoqarfimmut apuutereersimasassapput 31. marts 2019 nallertinnagu.
Qinnuteqaatit piffissaliussap qaangiutereernerani tiguneqartut suliarineqassanngillat.

Ingerlatsinermut aningaasartuutissanut qinnuteqaatit ornittakkanut, nunamut tamarmut atuuttunut kattuffinnut isumaginninnermik suliassaqarfiup iluaniittunut, aammalu qimarnguinnut ingerlatsinermut aningaasartuutissanut atugassat taamaallaat tunniunneqarsinnaapput qinnuteqaammut atatillugu makkuninnga nassiussisoqarpat:

• Naatsorsuutit ukiumi naatsorsuiffiusumi kingullermi, kukkunersiuisumut immikkut uparuaatitaqanngitsut.
• Ingerlanneqarsimasut pillugit naatsumik allaaserinninneq
• Ukiumoortumik nalunaarusiaq assigisaaluunniit ingerlataasimasut pillugit
• Ukiumut qinnuteqarfiusumut aningaasartuutissanut missingersuusiat. Aningaasartuutissanut missingersuusiat kommunalbestyrelsimit akuersissutigineqarsimassapput. Ingerlatsivinnut imminut                  pigisunut tunngatillugu missingersuusiat siulersuisunit akuerineqarsimassapput.
• Avataaneersunik siunnersortinik atuisoqassappat imaluunniit atuartitsisoqassappat, - taamaattuni isumaqatigiissut akiusunik aamma imarisaanik ersersitsisoq ilanngullugu nassiunneqassaaq.

Immikkut atugassarititaasut: Isumaginninnermik suliassaqarfimmi paasisitsiniaasarnermut qinnuteqaat imaqassaaq aningaasartuutissanut missingersuusiamik aamma suliniutip allaaserineqarneranik. Piumasaqaataanngilaq naatsorsuutit, ingerlatsinermit kisitsisit allallu ilanngullugit nassiunneqarnissaat.

Immikkut kommuninut, kommunini immikkoortortanut aamma kommunit ingerlatsiviinut:
Kommunimi ingerlatsivimmiit, kommunimi immikkoortortamiit aamma kommunimi suliffeqarfinniit qinnuteqaatit tamarmik immikkoortortami pisortamit – fagchef-imit / isumaginninnermut ingerlatsivimmi pisortamit atsiorneqarsimasassapput.

Immersugassaq pappiala tapiissutinik isumaginninnermi suliniutinut siunertaqartunut suliaasoq qinnuteqarninni atoruk: uani aajuk

Kommuninut immikkut atugassarititaasut
Qinnuteqaatit projektinut aamma ingerlatsinernut, kommunimi periusissiamik, politikkimik, iliuusissanut pilersaarummik, piginnaasanik ineriartortitsinissamut pilersaarummik assigisaannillu tunngavillit pingaarnersiuinermi pingaarnerutinneqartassapput. Tamatumani aamma ilaapput suliniutit - projektit -ingerlatamut tapiiffigineqarnissamik qinnutigineqartumi ilaasut, suliniummi ilaasut imaluunniit tassaasut suliniut tamakkiisoq.
Immikkut atugassarititaasut aqqutissiuussissapput aningaasaliissutitut tapiissutaasartut atorneqartarnissaannut ataavartunik kivitsilluni pitsanngorsaasoqartarnissaanut suliassaqarfimmi tapiiffigineqarnissamik qinnuteqaanneqartumi.
Taamaattumik suliniutit taamaattut pingaarnersiuinermi salliutinneqartassapput, suliniutinik ataasiakkaaginnarnik imaluunniit aaqqissuussinernut pingaarnerutillugit.
Taamaattumik iluaqusiisumik qinnuteqaammi allaaserineqarsinnaapput periusissiat, politikkit, iliuusissanut pilersaarusiat imaluunniit suliniutit tapiiffigineqartussatut qinnuteqaateqartoqarnersoq.

Qinnuteqaatit minnerpaamik kommunimi fagchef-imit akuerineqarsimasassaaq.
Qularnaarneqartassaaq kommuni aaqqissuussaanertut qinnuteqartuusoq, immikkoortortaq ataaseq imaluunniit sulisoq pinnani.