airplanebooksbriefcase business cogs cross election entertainment fish house law lockmedicalpeopleselfservices socialtax
[Log ind]

Ingerlatsinernut tapiissutit

Isumaginninnermut Aqutsisoqarfik ingerlatsinermut aningaasartuutinut 50% tikillugu tapiisinnaavoq. Qinnuteqartut amerlassusaat apeqqutaatillugit tapiissutit annertussusilerneqassapput.
Ataatsimut

Periarfissaavoq tapiissutisinissamik qinnuteqarsinnaaneq Isumaginninnermut Aqutsisoqarfimmut, isumaginninnermi siunertanut atorneqartussanik. Siunertanut tulliuttunut tapiissuteqartoqarsinnaavoq:

Ingerlatsinernut tapiissutit, makkunani:
• Qimarnguiit
• Ornittakkat
• Isumaginninnermut suliassaqarfimmi nunamut tamarmut atuuttunik nammineq piumassutsimik ingerlatsiviit
• Ilaqutarsiaqarnermut siunnersortit

Assigiinngitsunik piumasaqaateqartoqartarpoq qinnuteqaatip sunik imaqarnissaanut atatillugu. Tamatumunnga tunngatillugu allaaserisat immikkoortut ataasiakkaat ataanniittarput.

Sunut qinnuteqarsinnavit

Isumaginninnermut Aqutsisoqarfiup annerpaamik ingerlatsinermut tapiissutit 50 % angullugu annertussusillit tunniussinnaavai. Tapiissutit qaffasissusiinut aalajangiisuussaaq qinnuteqartut amerlassusaat. Makkununnga tapiissuteqartoqarsinnaavoq:

1. Ilaqutarsiaqarnermut siunnersortit.
Kommunit ingerlatsinermut aningaasartuutit 50 %-ii angullugit tapiissutisisinnaapput, ilaqutarsiaqarnermut siunnersortip suliai siunnerfeqarpata qularnaarniarneqassasoq ilaqutarsiaqarnermut suliassaqarfimmi sulianik ingerlatsinerup pitsanngorsarneqarnissaanik.
Immikkut atugassarititaasut: Ilanngullugit nassiunneqassapput aningaasartuutissanut missingersuusiat suliassaqarfimmut tunngasut aamma aningaasarsianut aningaasartuutinut uppernarsaatit. Tamatumalu saniatigut ilanngunneqassaaq allaaserisaq qanoq aaqqissuussinikkut atorfik peqataassanersoq suliassaqarfimmi tassani kommunip sulianik ingerlatsinerata pitsanngorsarniarneqarnera pillugu.

2. Ornittakkanut ingerlatsinermut tapiissutit.
Isumaginninnermut Aqutsisoqarfiup qaffasinnerpaamik ingerlatsinermut aningaasaliissutigisinnaavai ornittakkamik ingerlatsinermut aningaasartuutit 50 %-ii. Ingerlatsinermut aningaasartuutinut tapiissutit annertussusissaanni apeqqutaassaaq qinnuteqaatit amerlassusissaat, naatsorsuutigineqarsinnaassananilu aningaasat qinnutigineqartut tamakkerlugit matussuserneqarnissaat.

3. Isumaginninnermut suliassaqarfimmi nunamut tamarmut atuuttunik nammineq piumassutsimik ingerlatsiviit.
Ingerlatsinermut tapiissuteqartoqarsinnaavoq kattuffinnut nammineq piumassutsimik ingerlanneqartunut, isumaginninnermik suliassaqarfiup iluani ingerlatsisuusunut. Tamatumalu saniatigut aamma tapiissuteqartoqarsinnaavoq namminneq piumassutsiminnik ingerlanneqartut kattuffiit paasisitsiniaanikkut aamma siunnersuisarnikkut ingerlatsinerinut isumaginninnermik suliassaqarfiup iluani. Tapiissuteqartoqarsinnaanngilaq siulersuisut akissarsiassaannut imaluunniit assigisaannut siulersuisunut tunngasunut imaluunniit ilaasortanut allanut nuna tamakkerlugu kattuffinni nammineq piumassutsimik ingerlanneqartuni.

4. Qimarnguinnut ingerlatsinermut tapiissutit.
Tapiissutit annerpaamik ingerlatsinermut aningaasartuutit 50 %-iinik annertussuseqarsinnaapput, tapiissutillu taamaallaat tunniunneqarsinnaallutik aningaasartuutissanut missingersuusiat kommunalbestyrelsimit akuerisaasut tunngavigalugit.


Qanoq qinnuteqarsinnavit

Qinnuteqaatit tamarmik nassiunneqartassapput uunga tapi@nanoq.gl.

Tapiissuteqartoqarnissaanut qinnuteqaatit Isumaginninnermut Aqutsisoqarfimmut apuutereersimasassapput 31. marts 2019 nallertinnagu.
Qinnuteqaatit piffissaliussap qaangiutereernerani tiguneqartut suliarineqassanngillat.

Ingerlatsinermut aningaasartuutissanut qinnuteqaatit ornittakkanut, nunamut tamarmut atuuttunut kattuffinnut isumaginninnermik suliassaqarfiup iluaniittunut, aammalu qimarnguinnut ingerlatsinermut aningaasartuutissanut atugassat taamaallaat tunniunneqarsinnaapput qinnuteqaammut atatillugu makkuninnga nassiussisoqarpat:

1. Ukiumoortumik naatsorsuutit, kukkunersiuisunut oqaaseqaatitaqanngitsumik atsiugaasut
2. Ingerlataasimasut pillugit allaaserisaq naatsoq
3. Ukiumoortumik nalunaarusiaq imaluunniit assigisaa ingerlatsisimanermik allaaserinnittoq
4. Ukiumut qinnuteqaateqarfiusumut aningaasartuutissanut missingersuusiat. Aningaasartuutissanut missingersuusiat kommunalbestyrelsimit imaluunniit siulersuisunit akuerineqarsimassapput

immersugassaq: uani aajuk

Immikkut ingerlatsinermut tapiissutinut
Ingerlatsinermut tapiissuteqartoqarnissaanik qinnuteqaatit qinnuteqarnissamut piffissaliussaasup naannginnerani tiguneqarsimasut tamarmik ataatsimoortillugit suliarineqassapput. Tamanna isumaqarpoq qularnaarneqarsinnaanngitsoq aningaasaliissutissatut qinnuteqaataasut tamakkiisumik tunniunneqarsinnaaneri. Qinnuteqaateqartut amerlassusaat allanngorartarmata qularnaarneqarsinnaanngilaq ingerlatsinermut aningaasartuutit 50 %-iinik matussusiisoqarsinnaanera, kiisalu qularnaarneqarsinnaanngilaq ukiumoortumik ingerlatsinermut tapiissutit assigiissut tunniunneqarsinnaanerat.