airplanebooksbriefcase business cogs cross election entertainment fish house law lockmedicalpeopleselfservices socialtax
[Log ind]

Immersugassat

Isumaginninnikkut anguniakkanut assigiinngitsunut tapiissutinik Isumaginninnermut tunngasunut, Isumaginninnermi Aqutsisoqarfimmut qinnuteqarnissamut periarfissaqarpoq.

Maluginiaqquneqarpoq, ukioq kingulleq taperneqarsimagaanni, naatsorsuutaasinnaanngilaq ukioq tulliani taperneqaqqinnissaq.
Kiisalu aningaasat qinnuteqaataasimasut tamakkiisumik tunniunneqarnissaat qulakkeerneqarsinnaanngilaq.

Qinnuteqartunut piumasaqaatit:
Qinnuteqaat suliarineqartinnagu piumasaqaatit arlallit NAAMMASINEQARSIMANISSAAT Isumaginninnermi Aqutsisoqarfiup erseqqissaatigissavaa, taakkulu piumasaqaatit skabelonimi qinnuteqaatimi atuarneqarsinnaapput.
-
Qinnuteqarnissamut killigitinneqarpoq: 31. Marts 2020, qinnuteqaallu uunga nassiunneqassaaq: tapi@nanoq.gl
Immersugassat assigiingitsut uani takukkit

Qinnuteqarnermi immersugassiat:

Ilaqutariit højskoliannik ingerlanneqarneranut tapiissutit

Ilaqutariit højskoliannik ingerlatsinermut aningaasartuutissatut missingersuutigineqartunut tapiissuteqartoqarsinnaavoq. Tassunga atatillugu ilaqutariinnut højskolit sammisatut suliniutitullu ilaqutariit sanngiitsut nukittorsarneqarnissaannik siunertaqartutut nassuiarneqarput.

EQQAAMAJUK ilanngussassat attuumassuteqartut ilannguneqassammata, tamaattoqanngippammi qinnuteqaat suliarineqassanngilaq. 

-

-

Kinguaassiutitigut atornerluisarnernik pinaveersaartitsinermik sammisanik kiisalu innarliisut katsorsarnissaannut takkununngalu neqeroorutinut 

Kinguaassiutitigut atornerluisarnernik pinaveersaartitsinernut sammisanik kiisalu innarliiut katsorsarneqarnissaannut taakkununngalu neqeroorutinut tapiissuteqartoqarsinnaavoq.

EQQAAMAJUK ilanngussassat attuumassuteqartut ilannguneqassammata, tamaattoqanngippammi qinnuteqaat suliarineqassanngilaq. 

-

-

Isumaginninnermi perorsaanikkut immikkut neqeroorutinut tapiissutit

Isumaginninnermi perorsaanikkut immikkut suliniutit ineriartortinnissaannut nukittorsarnissaannullu attuumasunut suliniutinut aningasaartuutissatut missingersuutigisanut tapiissutinik qinnuteqartoqarsinnaavoq.

EQQAAMAJUK ilanngussassat attuumassuteqartut ilannguneqassammata, tamaattoqanngippammi qinnuteqaat suliarineqassanngilaq. 

-

 -

Isumaginninnikkut ajornakusoorutit pillugit paasititsiniaanernut tapiissutit

Meeqqanut inuusuttunullu, ilaqutariinnermut, innarluutilinnut utoqqarnullu tunngasuni, assersuutigalugu paasititsiniaanermi atortusianut sammisanillu qaammarsaanermik siunertaqartuni aningaasartuutissatut missingersuutigineqartunut tapiissuteqartoqarsinnaavoq. 

EQQAAMAJUK ilanngussassat attuumassuteqartut ilannguneqassammata, tamaattoqanngippammi qinnuteqaat suliarineqassanngilaq. 

-

-

Isumaginninnermut tunngasuni nuna tamakkerlugu nammineq piumassutsimik suliniaqatigiiffinnut tapiissutit

Isumaginninnermut tunngasunik suliniaqatigiiffittut pilersitani ingerlatsinermi aningaasartuutinut kiisalu paasisitsiniaanermi siunnersuinermillu suliniutinut tapiissuteqartoqarsinnaavoq. 

Siulersuisuni ilaasortat allallu nuna tamakkerlugu nammineq piumassutsimik suliniaqatigiiffinni ilaasortat allat akissarsiaannut tapiissutit atorneqarsinnaanngillat.

EQQAAMAJUK ilanngussassat attuumassuteqartut ilannguneqassammata, tamaattoqanngippammi qinnuteqaat suliarineqassanngilaq. 

-

-

Qimarnuiit ingerlanneqarneranni aningaasartuutit 50 %-iinik tapiissutit

Qimarnuiit pillugit Namminersornerullutik Oqartussat nalunaarutaat nr. 18, 8. december 2004-meersoq naapertorlugu, qimarnuiit ingerlanneqarnerannut aningaasartuutissatut missingersuutigineqartut 50 %-ii tikillugit tapiiffigineqarsinnaapput.

Uunga tunngatillugu qimarnuiit imminut pigalutik nammineq siulersuisoqarlutik arnanut angutinulluunniit meeqqisarsinaasunut, persuttarneqarsimasunut, qunusaarneqarsimasunut allatulluunniit ilaqutariinnermut inooqateqarnermullu tunngatillugu ajornartorsiortunut inissiigallarfittut siunertaqartutut nassuiarneqarput.

EQQAAMAJUK ilanngussassat attuumassuteqartut ilannguneqassammata, tamaattoqanngippammi qinnuteqaat suliarineqassanngilaq. 

-

-

Ilaqutariinnut sullissivinni aningaasarsianut aningaasartuutinut 50 %-imik tapiisutit

Ilaqutariinnut sullissivinni aningaasarsianut aningaasartuutit 50 %-iinik tapiisoqartarpoq.

EQQAAMAJUK ilanngussassat attuumassuteqartut ilannguneqassammata, tamaattoqanngippammi qinnuteqaat suliarineqassanngilaq.