airplanebooksbriefcase business cogs cross election entertainment fish house law lockmedicalpeopleselfservices socialtax
[Log ind]

KINGUAASSIUUTITIGUT KILLISSAMIK QAANGISOQARSIMATILLUGU IMMIKKUT ILINNIAGALINNUT ILITSERSUUT

Immikkut ilinniagalittut (perorsaasutut, ilinniartitsisutut, terapeutitut, isumaginninnermi siunnersortitut, ikiortitut, peqqissaasutut il.il.) kinguaassiuutitigut killissamik qaangisoqarsimatillugu ajornakusoorsinnaasarpoq qanoq iliuuseqarnissamik nalilersuinissaq. Ugguuna atuarsinnaavat qanoq kinguaassiuutitigut killissamik qaangisoqarsimatillugu imaluunniit pasittaassisoqarsimatillugu qanoq iliuuseqarnissarnik ilitsersuutaavoq. Tamatta ilisimasaqalerutta meeqqap ineriartornera peqqissusaaluunniit navianartorsiortinneqartoq pisussaaffigaarput inunnik isumaginnittoqarfimmut nalunaaruteqassalluta, takuuk nalunaaruteqarnissamut sakkortusisamik pisussaaffeqarnerput.
SIUNNERSORNEQARNISSAQ PISARIAQARTIPPIUK?

Qitiusumik siunnersuisarfiup meeqqanik inuusuttunillu 0-18-nik ukiulinnut immikkut ilinniagalinnut siunnersuinissaq neqeroorutigaa.

Nalornissuteqaruit tamatigut Qitiusumik siunnersuisarfik attavigiuk.

KILLISSAMIK QAANGISOQARNERANIK PASITSAASSISOQARTILLUGU
  1. Pasitsaassisoqarsimatillugu pingaartuuvoq illit immikkut ilinniagalittut piffissaq killilimmi meeraq malittarissagit meeqqallu pissusilersornera allaaseralugu. Pisortat tamanna pillugu oqaloqatigiuk. Inunnik isumaginnittoqarfimmiut meeqqap atugaanik misissuinerminni allattukkatit atorsinnaavaat. Eqqaamajuk: Meeraq qanoq inneranik atugarissaarneranillu apersulaarsinnaavat, meerarli oqartinniarsarissanngilat apeqqarissaarfiginaguluunniit. Politiit taakkuupput meeqqamik killisiuisussat.

  2. Inunnik isumaginnittoqarfimmut nalunaarusiorit. Inunnik isumaginnittoqarfiup nalilersussavaa pasitsaassineq tunngavissaqarnersoq aammalu politiinut unnerluutiginnissanerlutik. Pisortat qulakkiissavaat meeqqap kinguaasiutitigut killissamik qaangifigitinneqarnerata unitsinnissaa.

  3. Inunnik isumaginnittoqarfiup, politiit peqqinnissaqarfiulluunniit Kommune attavigissavaat. Taakkua suleqatigiillutik ataatsimoorullugu iliuusissat peqatigiillutik suliarissavaat. Kommune assigiinngitsunik sulialinnut meeqqamut iliuusissanik ataqatigiissaarisuussaaq.
KINGUAASSIUUTITIGUT KILLISSAMIK QAANGISOQARSIMATILLUGU
  1. Inuunnik isumaginnitoqarfimmut nalunaarusiorit Inunnik isumaginnittoqarfiup killissamik qaangiiffigineqarsimaneq politiinut unnerluutigissavaa. Politiit aamma killissamik qaangisoqarsimatillugu saaffigineqarsimasinnaapput, taakkua aamma inunnik isumaginnittoqarfimmut nalunaaruteqassapput. Peqqinissaqarfik killissamik qaangisoqarsimatillugu ilisimasaqaleruni inunnik isumaginnittoqarfimmut nalunaaruteqassaaq aamma/imaluunniit politiinut unnerluutiginnissaaq.

  2. Inunnik isumaginnittoqarfiup meeqqap peqqissusaa atugarissaarneralu misissuiffigalugu allartissavaa. Nalilersussavaat qanoq iliuuseqarnikkut meeraq ikiorserneqassanersoq.

  3. Inunnik isumaginnittoqarfiup, politiit imaluunniit peqqinnissaqarfiup Kommune attavigissavaat. Pineqartut suleqatigiillutik iliuusissat ataatsimoorussat nassaariniassavaat. Kommunep meeqqamut iliuusissanik assigiinngitsunik sulialinnut ataqatigiissaarisuussaaq.