airplanebooksbriefcase business cogs cross election entertainment fish house law lockmedicalpeopleselfservices socialtax

Inuit innarluutillit sapaatip akunnera 41

qinnuteqaat: Inuit innarluutillit sapaatip akunnera 41
Ukioq manna qulequtaritinneqartoq

sumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisup ukioq manna martsimi autismertut pillugit ataatsimeersuarnerup malitsigisaatut sapaatip akunnerani 41 qulequtariitippaa:

 

“Meeqqat autismeqartut”

Maluginiaruk: Tapiiffigineqarnissamik qinnuteqaatit ukioq manna qulequtaritinneqartumut attuumassuteqassapput. Qinnuteqaatit tassunga attuumassuteqanngitsut itigartinneqassapput

 

Inuup sananeqaataatigut allanngortoqartillugu autismeqartoqalersinnaasarpoq, taamaalisoqartillugulu pineqartut qarasaat inunnit allanit allaanerusumik sulilersarpoq.

Ukiuni kingullerni taaguut “Autisme Spektrum Forstyrrelse” - ASF atorneqalerpoq, tassuunakkut autismertut tamarmik assigiinngitsuuneri ersersinniarneqarlutik - autismertut tamarmik immikkut aalajangersimasumik inissisimasarput. Autistertut tamarmik assigiinngiiaartunik ajornartorsiuteqartarput, immikkoortunut ukununnga pingasuusunut agguarneqarsinnaasunik:

  • Attaveqaqatigiittarneq
  • Inooqatigiinnermut akuunissaq
  • Soqutigisat pissusilersuutaasartullu

Inuit AFS-eqartut attaveqartillutik inuilluunniit akornanniitillutik qarasaat inunnit allanit sakkortunerujussuarmik sulisarput.

ASF iluarsissutigineqartussamik katsorsarneqarsinnaanngilaq perorsaanikkulli sullissinermi siusissumik iliuuseqarnikkut periusissiornikkullu autistertut taassumalu ilaqutai avatangiisaalu oqilisaaffigineqarsinnaapput.

Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoqarfiup Isumaginninnermullu Aqutsisoqarfiup Kalaallit Nunaanni soqutigisaqaqatigiit, peqatigiiffiit inuillu tamakkuninnga suliaqartartut kaammattorpai sapaatip akunnerani 41-mi innuttaasut autismeqartut atugaannik ajornartorsiutigisinnaasaannillu sammisaqaqqullugit .

Qulequttap pineqartup sammineratigut kissaatigineqarpoq autismemik eqqugaasimasut inuiaqatigiinnit pineqartullu avatangiisaannit akuersaarneqarnerulernissaat, taamaasillutik pineqartut ulluinnarni pisariaqartitaminnik kaammattorneqarsinnaaqqullugit.

Innarluutillit sapaatip akunneqartinneqarnerannut atatillugu qulequttap pineqartup sammineqarnissaanut suliaqartitsinissanut aaqqissuussinissanullu Isumaginninnermut Aqutsisoqarfimmut tapiissutinik qinnuteqarnissamut periarfissaqarpoq.

Paasissutissat

Qinnuteqaat Isumaginninnermut Aqutsisoqarfimmi kingusinnerpaamik 4. oktober 2017 tiguneqareersimassaaq:

iass@nanoq.gl imaluunniit Socialstyrelsen, Postboks 260, 3900 Nuuk nalunaaqutserlugu “Sap. Ak. 41”

Qinnuteqarnissamut immersugassaq susassaqartunut nassiussorneqassapput.

Apeqqutit Innarluutilinnut sapaatip akunneqartitsinermut tunngassuteqartut uunga saaffiginnissutigineqassapput iass@nanoq.gl . Oqarasuaatip nr. +299 34 66 24

 

Maluginiaruk: Tapiiffigineqarnissamik qinnuteqaatit ukioq manna qulequtaritinneqartumut attuumassuteqassapput. Qinnuteqaatit tassunga attuumassuteqanngitsut itigartinneqassapput